Faktiki yaşayış rayonuna uyğun olaraq həvəsləndirmə tədbirlərinin tətbiq olunduğu ümumi təhsil müəssisələri üzrə vakansiya seçimi mərhələsi başlayıb.
Məktəbəqədər və Ümumi Təhsil üzrə Dövlət Agentliyindən bildirilib ki, vakansiya seçimi avqustun 8-də saat 11:00-dan başlayıb.
Namizədlər şəxsi səhifələrinə daxil olaraq mövcud vakansiyalar arasından seçim edə bilərlər.
Vakansiya seçimi avqustun 10-u saat 11:00-dək davam edəcək.
Qeyd olunub ki, vakant yeri tutduqdan sonra həmin yerdən imtina edən namizədlərin növbəti vakansiya seçimi mərhələlərində iştirakına icazə verilməyəcək.
