Azərbaycanlı stolüstü tennisçi Mehin Mirzəbalayeva Fransanın Strasburq şəhərində keçirilən “Euro Mini Champs” turnirində qızıl medal qazanıb.
2014-cü il təvəllüdlü idmançı yarışın ilk üç mərhələsini lider başa vurub. O, 1/8 finalda moldovalı, 1/4 finalda isə fransalı rəqibini məğlub edərək yarımfinala yüksəlib.
Yarımfinalda İsveçrə təmsilçisi ilə qarşılaşan Mehin Mirzəbalayeva 3:0 hesablı qələbə qazanaraq finala vəsiqə əldə edib.
Həlledici görüşdə turnirin ötənilki qalibi, latviyalı Kaja Tvoroga ilə üz-üzə gələn Azərbaycan təmsilçisi 3:1 hesabı ilə qalib gəlib.
Beləliklə, Mehin Mirzəbalayeva “Euro Mini Champs” turnirinin baş mükafatına layiq görülüb.
