Fransa Prezidenti Emmanuel Makron etirazların yenidən başlaması ərəfəsində bu gün yuxarı sinif şagirdləri hərəkatının nümayəndələri və hüquq-mühafizə orqanlarının əməkdaşları ilə görüşəcək.
Fransa mediasının məlumatına görə, bu, yuxarı sinif şagirdləri və tələbələrin bir aydan çoxdur davam edən etirazları başlayandan bəri ilk belə görüşdür.
Makron oktyabrın 24-nə planlaşdırılan nümayişlərə hazırlıq məqsədilə müdafiə məsələləri üzrə şuranın yeni iclasını da keçirəcək.
Bundan əvvəl Fransa Prezidenti həmkarlar ittifaqlarının təşkil etdiyi aksiyalar istisna olmaqla, yaxın günlərdə bütün nümayişlərin qadağan edildiyini açıqlayıb.
Polis idarəsi oktyabrın 22-dən 25-dək hər gün saat 23:00-dan növbəti gün saat 06:00-dək Respublika meydanı və Ales sektoru ərazilərində komendant saatının tətbiq edilməsi barədə əmr verib.
Fransada təhsil şəraitinə etiraz edən yuxarı sinif şagirdlərinin başlatdığı kütləvi aksiyalar bir aydan çoxdur davam edir. Sonradan etirazlara qiymət artımına və aşağı əməkhaqlarına qarşı çıxan müxtəlif peşə nümayəndələri də qoşulublar.
