Azərbaycan Avtomobil Yolları Dövlət Agentliyi Lökbatan-Güzdək avtomobil yolunda yeni körpü inşa edib.
Bir aşırımlı körpü yolun 2,2-ci kilometrində sel sularının qəzalı vəziyyətə saldığı suötürücü qurğunun yerində tikilib.
Görülən işlər nəticəsində yol hərəkətinin təhlükəsizliyi təmin olunub və nəqliyyat əlaqəsi tam bərpa edilib.
Bərpa işləri Prezidentin müvafiq sərəncamına uyğun olaraq həyata keçirilib.
