Koreya Xalq Demokratik Respublikası (KXDR) oktyabrın 15-də süni intellekt texnologiyası ilə təchiz edilmiş “Çam-2.0” torpedasını sınaqdan keçirib.
Koreyanın Mərkəzi Teleqraf Agentliyinin (KCNA) məlumatına görə, yüksək sürətli və dəqiqliklə idarə olunan torpedo sualtı qayıqdan buraxılıb.
Agentlik bildirib ki, süni intellekt texnologiyası yeni torpedanın idarəetmə və hədəfi müəyyənləşdirmə sisteminə inteqrasiya olunub. Sınaq KXDR Hərbi Dəniz Qüvvələrinin inkişafı baxımından əhəmiyyətli addım kimi qiymətləndirilib.
Məlumata əsasən, 180-dən çox sınaq zamanı təkmilləşdirilmiş hərəkətverici sistemin və onun səmərəliliyini artıran texnologiyaların imkanları yoxlanılıb.
