Rusiyanın Ukraynanın Kramatorsk şəhərinə endirdiyi zərbələr nəticəsində burada yaşayan azərbaycanlılar zərər çəkiblər.
Xəbər Mərkəzi Report-a istinadən məlumat verir ki, zərərçəkənlərdən biri Kramatorskda Azərbaycan diasporunun rəhbəri Mübariz Rüstəmovdur.
Raket və dron hücumları nəticəsində ona məxsus 500 kvadratmetrlik ticarət obyekti və obyektə aid avtomobillər tamamilə məhv olub.
Şəhərdə yaşayan digər azərbaycanlı, 1960-cı il təvəllüdlü Niyyətulla İsmayılovun evi ciddi zədələnib, özü yaralanıb, avtomobili isə istifadəyə yararsız vəziyyətə düşüb.
Dron zərbələri nəticəsində Kramatorsk sakini Həsən Məmmədovun yaşadığı əraziyə də ziyan dəyib.
Qeyd edək ki, Kramatorsk şəhəri davamlı olaraq hücumlara məruz qalır.
