Sloveniya Prezidenti Nataşa Pirts-Musar avtomobil qəzasına düşüb.
Məlumata görə, hadisə iyulun 31-də prezidentin məzuniyyətdən qayıdarkən kortejinə məxsus iki xidməti avtomobilin Kastelets tunelində toqquşması nəticəsində baş verib.
Qəza zamanı prezident yüngül xəsarətlər alıb. Digər yaralının isə ağır bədən xəsarətləri aldığı bildirilir.
Nataşa Pirts-Musar xəstəxanaya aparılıb və qısa müddət sonra evə buraxılmasının planlaşdırıldığı qeyd olunub. Digər yaralının vəziyyəti barədə məlumat açıqlanmayıb.
Hadisənin başvermə səbəbləri araşdırılır.
