Rusiya ordusu oktyabrın 27-də Ukraynanın paytaxtı Kiyevə ballistik raket zərbələri endirib.
Gecədən səhərə qədər davam edən hücum zamanı şəhərə 20-dən çox zərbə endirildiyi bildirilir.
Zərbələr nəticəsində, əsasən, Dnepr çayının sol sahilində yerləşən rayonlara ciddi ziyan dəyib. Darnitski rayonunda tələbə yataqxanası, xəstəxana və yaşayış evləri zərər görüb. Tələbələr arasında ölən və yaralananların olduğu bildirilir.
Hücum zamanı Kiyevin Dnepr çayının sağ və sol sahillərini birləşdirən strateji Cənub körpüsü də ciddi zədələnib. Körpü hazırda tamamilə bağlanıb.
Məlumata görə, hücum nəticəsində paytaxtda ölənlərin sayı 3-ə, yaralananların sayı isə 20-yə çatıb. Tələfat sayının artacağı istisna edilmir.
