CNN xəbər verir ki, Pentaqon İranla müharibə zamanı itkilərlə bağlı məlumat bazasını yeniləyərək daha 140-dan çox yaralını qeydə alıb və ötən həftə İranın zərbələri nəticəsində həlak olan dörd hərbçinin məlumatını yenidən siyahıya daxil edib.
Yenilənmiş statistikaya əsasən, ABŞ-nin fevralın 28-də İrana qarşı əməliyyatlara başlamasından indiyədək 18 hərbçi həlak olub, 624 nəfər isə yaralanıb. Bu, əvvəlki 482 yaralı göstəricisi ilə müqayisədə əhəmiyyətli artımdır.
Xatırladaq ki, Pentaqon ötən həftə itkilərlə bağlı rəqəmlərin azalması səbəbindən tənqid olundu. Qurum bu dəyişiklikləri məlumat bazasında yaranmış müvəqqəti texniki problemlərlə izah edib.
