İrandan Azərbaycana PUA və paraplan vasitəsilə külli miqdarda narkotik vasitə və psixotrop həblərin keçirilməsinin qarşısı alınıb.
Dövlət Sərhəd Xidmətinin “Horadiz” sərhəd dəstəsinin xidməti ərazisində ümumilikdə 38 kiloqram 778 qram narkotik vasitə və 7 680 ədəd “Metadon M-40” həbi aşkarlanaraq qanunsuz dövriyyədən çıxarılıb.
Saat 01:30-da PUA vasitəsilə 21 kiloqram 700 qram narkotik vasitə və 1 000 ədəd “Metadon M-40” həbi, saat 04:10-da isə paraplanla 17 kiloqram 78 qram narkotik vasitə və 6 680 ədəd həb aşkar edilib.
Faktlarla bağlı əməliyyat-istintaq tədbirləri davam etdirilir.
