ABŞ Silahlı Qüvvələrinin Mərkəzi Komandanlığı (CENTCOM) İrandakı hərbi obyektlərə qarşı növbəti zərbələr dalğasının başa çatdığını açıqlayıb.
Bildirilib ki, Buşehr, Çabahar, Cask, Konarak, Əbu Musa adası və Bəndər-Abbasda yerləşən sahil müdafiə sistemləri, raket və pilotsuz uçuş aparatları kompleksləri, eləcə də dəniz infrastrukturu obyektləri hədəfə alınıb.
CENTCOM-un məlumatına görə, zərbələr ABŞ-ın iddiasına əsasən, kommersiya gəmiçiliyinə hücumlarda istifadə olunan obyektlərə yönəlib.
Komandanlıq, həmçinin Yaxın Şərqdə hazırda 50 mindən çox ABŞ hərbçisinin yerləşdirildiyini və qüvvələrin tam döyüş hazırlığında olduğunu bəyan edib.
