Hindistanın xarici işlər üzrə dövlət naziri Kirti Vardhan Sinqh Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) VII sammitində iştirak etmək üçün Bakıya gəlib.
Bu barədə nazir “X” sosial şəbəkə hesabında məlumat verib.
O, sammit çərçivəsində regional əməkdaşlığın gücləndirilməsi, qarşılıqlı etimadın formalaşdırılması, eləcə də Asiyada sülhün, sabitliyin və təhlükəsizliyin təşviqi məsələləri üzrə konstruktiv dialoq aparılacağını gözlədiyini bildirib.
