Hindistanın Andxra-Pradeş ştatında bir kişi məktəbin sinif otağına daxil olaraq iki şagirdi motorlu mişarla yaralayıb.
Hadisə Anantapur dairəsində yerləşən məktəbdə baş verib.
Yaralılardan birinin 15 yaşlı qız olduğu bildirilir. O, boyun və qarın nahiyələrindən dərin yaralar alıb, sağ əli isə demək olar ki, kəsilib. İkinci şagird hücum edən şəxsi dayandırmağa çalışarkən xəsarət alıb.
Şübhəli şəxs saxlanılıb. Polisin məlumatına görə, o, yaralılardan birinin qohumudur. Məktəbdə təmir işləri aparıldığı üçün işçilər onu fəhlə hesab edərək binaya buraxıblar.
Hücumun səbəbi araşdırılır.
