Fransa Prezidenti Emmanuel Makron ölkəyə qayıtdıqdan sonra Yelisey sarayında hüquq-mühafizə və kəşfiyyat xidmətlərinin iştirakı ilə müşavirə çağırıb.
BFMTV-nin məlumatına görə, Baş nazir Sebastyan Lekornyu və hökumət üzvləri oktyabrın 24-nə planlaşdırılan etirazlara hazırlıq barədə hesabat təqdim edəcəklər.
Bundan əvvəl Paris polisi oktyabrın 22-də Yelisey sarayı, Milli Assambleya, Senat, Luvr və digər ərazilərdə elan edilməmiş yürüş, parad və toplantıları qadağan edib. Qadağa saat 08:00-dan 20:00-dək qüvvədədir. Məhdudiyyətlər paytaxtın bir sıra dəmiryol vağzallarını və mərkəzi meydanlarını da əhatə edir.
