Fransada oktyabrın 24-də baş verən kütləvi iğtişaşlar zamanı və onlardan sonra 1 300-dən çox şəxs saxlanılıb.
Məlumata görə, Parisdə 142 nəfər saxlanılıb, onlardan 126-sı barəsində həbs qətimkan tədbiri seçilib.
Oktyabrın 24-də keçirilən etiraz aksiyalarının iştirakçılarının sayı bir həftə əvvəlki nümayişlərin göstəriciləri ilə müqayisəolunan olub. Bununla belə, gücləndirilmiş təhlükəsizlik tədbirləri sayəsində iğtişaşların nəticələri daha az ağır olub.
Parisdə talançılar bir mağazaya ziyan vurublar. Polis, həmçinin iğtişaş iştirakçılarının avtomobil salonuna daxil olmaq cəhdinin qarşısını alıb.
Ölkə üzrə 24 talançılıq hadisəsi qeydə alınıb. Halbuki bir həftə əvvəl 1 500 ticarət obyektinə hücum edilmişdi. Bununla yanaşı, çoxsaylı mağazalara ziyan dəyib. İğtişaşların qarşısının alınması zamanı 53 polis əməkdaşı xəsarət alıb.
Fransanın daxili işlər naziri Loran Nünyes etiraz aksiyalarının azı iki iştirakçısının ağır yaralandığını bildirib.
