Ermənistanda “Daşnaksütyun” partiyasının üzvü Ara Naxşkaryan seçkiqabağı rüşvət işi üzrə saxlanılıb.
Ermənistan Korrupsiyaya Qarşı Mübarizə Komitəsinin məlumatına görə, seçkiqabağı rüşvət vermə və alma faktları üzrə başlanmış cinayət icraatı çərçivəsində “Ermənistan” blokunun deputatlığa keçmiş namizədi Ara Naxşkaryan bu gün saxlanılıb.
Bildirilib ki, A.Naxşkaryan yaşadığı evdə saxlanılaraq istintaqa cəlb edilib.
Qeyd olunub ki, bundan əvvəl Korrupsiyaya Qarşı Mübarizə Komitəsi müxalif “Ermənistan” blokunun deputatlığa namizədlərindən birinin iştirakı ilə seçicilərin ələ alınmasına dair yeni sxemin üstünün açıldığını iddia edib. Qurumun yaydığı səs yazılarında həmsöhbətlərdən birinə Naxşkaryan soyadı ilə müraciət olunduğu bildirilir.
