Səudiyyə Ərəbistanının paytaxtı Ər-Riyaddakı Kral Xalid Beynəlxalq Hava Limanına hücum nəticəsində 12 nəfər həlak olub, 309 nəfər yaralanıb.
Səudiyyə Ərəbistanının Mülki Aviasiya Baş İdarəsinin “X” sosial şəbəkəsində yaydığı məlumata görə, ölənlər arasında dörd Səudiyyə Ərəbistanı, iki Banqladeş vətəndaşı, həmçinin ABŞ, Misir, İordaniya, Suriya, Fələstin və Sudanın hər birindən bir vətəndaş var.
Yaralılardan bəzilərinin vəziyyəti kritik qiymətləndirilir.
Daha əvvəl hücumdan sonra hava limanının fəaliyyətinin müvəqqəti dayandırıldığı açıqlanmışdı.
