Azərbaycanda ilk dəfə məhkəmə qərarı ilə kriptovalyuta dövlət nəfinə müsadirə edilib.
Dövlət Təhlükəsizliyi Xidmətinin (DTX) keçirdiyi əməliyyat nəticəsində saxlanılan B.H.R. və İ.R.F. barəsində cinayət işi üzrə məhkəmə prosesi yekunlaşıb.
Onlar xüsusilə külli miqdarda pul vəsaitinin xaricə və Azərbaycana qanunsuz köçürülməsinin təşkilində təqsirli biliniblər.
Məhkəmənin qərarı ilə B.H.R. 3,6 milyon manat, İ.R.F. isə 31,4 milyon manat məbləğində cərimələnib.
Bundan başqa, “Binance” hesabında saxlanılan 830 ədəd kriptovalyuta dövlət nəfinə müsadirə edilib.
