Prezident İlham Əliyev dövlət büdcəsindən maliyyələşən təşkilatların büdcədənkənar vəsaitlərindən istifadəyə dair yeni qaydaları müəyyən edən fərman imzalayıb.
Fərmana əsasən, büdcədənkənar vəsaitlərin istifadə olunmayan qalan hissəsi dövlət büdcəsinə köçürüləcək.
İşçilərin sosial müdafiəsinə yönəldilən vəsaitlər isə müəyyən kateqoriyalara aid əməkdaşların sosial müdafiəsinin gücləndirilməsinə sərf olunacaq.
Vəzifə maaşlarına əlavələr aylıq maaşın bir mislinədək, mükafat və digər ödənişlər isə illik əməkhaqqı fondunun 20 faizinədək müəyyən edilə biləcək.
Fərmanla Maliyyə Nazirliyinə məqsədli büdcə fondlarının ləğvi, eləcə də büdcədənkənar vəsaitlərin formalaşdırılması və istifadəsi ilə bağlı təkliflər hazırlamaq tapşırılıb.
