Ulduz futbolçu Kriştiano Ronaldonun həyat yoldaşı Corcina Rodriges bahalı zinət əşyaları ilə yenidən diqqət çəkib.
Corcinanın nikah mərasimində taxdığı zinət əşyalarının ümumi dəyərinin 75 milyon dollar olduğu bildirilir.
Məlumata görə, zinət əşyaları “Chopard” brendinin “Garden of Kalahari” kolleksiyasındandır. Boyunbağı 342 karatlıq parlaq daşlardan, 50 karatlıq dairəvi parlaq kəsimli brilyantdan, 26 karatlıq ürək kəsimli və 25 karatlıq armud kəsimli brilyantdan ibarətdir. Boyunbağının kulonu çıxarıla bilir.
Mütəxəssislərin qiymətləndirməsinə əsasən, yalnız boyunbağının dəyəri təxminən 50 milyon dollar, altı hissədən ibarət kolleksiyanın ümumi qiyməti isə 75 milyon dollar təşkil edir.
Corcinanın nikah mərasimində geyindiyi libas isə “Gucci” markasına məxsus olub.
