Bakıda təmir işləri ilə əlaqədar bu gün saat 20:00-dan 32 marşrutun hərəkət sxemi dəyişdiriləcək.
Məhdudiyyət Moskva prospektinin kənar yolu, Rəşid İsmayılov küçəsi (Biləcəri enişi) və Natəvan küçəsində aparılacaq təmir işləri ilə bağlıdır.
Dəyişiklik 2, 7A, 14, 29, 37, 67, 83, 83A, 91, 92, 96, 102, 114A, 114B, 119, 130, 135, 137, 142, 156, 156A, 158, 159, 170, 199, 500, 503, 508, 525A, 525B, 594 və E2 nömrəli marşrutlara şamil olunacaq.
Avtobusların hərəkəti Moskva prospektində yerləşən tuneldən təşkil ediləcək.
Bakı Beynəlxalq Avtovağzal Kompleksi və Biləcəri qəsəbəsi istiqamətində hərəkət edən 2, 7A, 14, 29, 37, 67, 83, 83A, 92 və 96 nömrəli marşrutlar Bakı-Sumqayıt şosesi, Sulutəpə yol ötürücüsü, Xocəsən dairəsi və Bakı Beynəlxalq Avtovağzal Kompleksi istiqamətində hərəkət edəcək.
156, 156A, 158, 170, 525A və 525B nömrəli marşrutların avtobusları “20 Yanvar” dairəsi və Moskva prospektinin tuneli ilə hərəkət edəcək.
91 nömrəli marşrut isə Rəşid İsmayılov küçəsi, 1-ci döngə – Qabil Süleymanov küçəsi istiqamətində fəaliyyət göstərəcək.
