Bakıda keçiriləcək “Formula 1” üzrə Azərbaycan Qran-prisinə hazırlıq çərçivəsində azarkeşlərin biletlərə artan tələbatı nəzərə alınaraq yeni tribuna quraşdırılıb.
“City” adlanan yeni tribuna Azərbaycan Dövlət Akademik Musiqili Teatrının qarşısında yerləşir və 678 tamaşaçı tutumuna malikdir.
Tribunanın yerləşdiyi ərazi azarkeşlərə bolidləri trasın bir-birinə paralel iki sürətli hissəsində izləmək imkanı verəcək.
Yeni tribunanın quraşdırılması ilə Bakı Şəhər Halqasında tribunaların ümumi tamaşaçı tutumu 21 mini keçib.
Son üç il ərzində Bakı Şəhər Halqasında dörd yeni tribuna quraşdırılıb və tribunaların ümumi tutumu 6 mindən çox yer artırılıb.
Xatırladaq ki, 2025-ci ildə keçirilən Azərbaycan Qran-prisinin yarış həftəsonu ərzində 90 mindən çox iştirak qeydə alınıb. Bu il Azərbaycan Qran-prisi sentyabrın 24-26-da keçiriləcək.
