Bu ilin ilk altı ayında işğaldan azad edilmiş ərazilərin yenidən qurulması və bərpasına 1 milyard 64,1 milyon manat vəsait yönəldilib.
Ayrılan vəsaitin 974,1 milyon manatı infrastruktur layihələrinə sərf olunub. Bunun 489,3 milyon manatı avtomobil yollarının tikintisi və yenidən qurulmasına, 371,1 milyon manatı yeni yaşayış komplekslərinin inşasına, 67,6 milyon manatı turizm infrastrukturunun yaradılmasına yönəldilib.
Həmçinin 15,9 milyon manat Şuşa, Xankəndi və Laçında kanat yolunun tikintisinə, 15,3 milyon manat yaşayış məntəqələrinin elektrik təchizatına, 7,6 milyon manat su və kanalizasiya layihələrinə, 7,3 milyon manat isə sənaye parklarında infrastrukturun yaradılmasına ayrılıb.
Bundan əlavə, 45,3 milyon manat minalardan təmizləmə işlərinə, 29,8 milyon manat səhiyyə və mədəniyyət layihələrinə, 14,9 milyon manat isə müdafiə və hüquq-mühafizə təyinatlı obyektlərin tikintisi və təmirinə sərf edilib.
