Səfər çərçivəsində Zakir Həsənov Çin Aerokosmik Elmi və Sənaye Korporasiyasının (CASIC) istehsalat bazasında olub. Burada CASIC-in baş direktoru Çen Şaoyan ilə görüşən müdafiə naziri müdafiə təyinatlı müxtəlif sistemlərə baxış keçirib.
Zakir Həsənov həmçinin Çinin milli müdafiə naziri admiral Dong Jun ilə görüşüb.
Görüşdə Azərbaycan və Çin arasında hərbi, hərbi-texniki və hərbi təhsil sahələrində əməkdaşlığın cari vəziyyəti və inkişaf perspektivləri müzakirə olunub. Tərəflər beynəlxalq təhlükəsizlik və sabitlik məsələləri, eləcə də qarşılıqlı maraq doğuran digər mövzular ətrafında fikir mübadiləsi aparıblar.
