Azərbaycanda 2026-cı ilin yanvar-iyun aylarında narkotiklərin qanunsuz dövriyyəsi ilə bağlı 4 434 cinayət faktı aşkarlanıb.
Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının məlumatına görə, əməliyyatlar zamanı qanunsuz dövriyyədən ümumilikdə 5 ton 497 kiloqram narkotik vasitə və psixotrop maddə götürülüb. Müsadirə edilən narkotiklərin ümumi dəyəri təxminən 166 milyon manat qiymətləndirilir.
Hesabat dövründə narkotiklərlə bağlı cinayət məsuliyyətinə 2 848 nəfər, o cümlədən 30 xarici ölkə vətəndaşı cəlb edilib.
Bundan başqa, narkotiklərin qaçaqmalçılıq yolu ilə ölkəyə gətirilməsi ilə bağlı 90 fakt aşkarlanıb və bu işlər üzrə 1,3 tondan çox narkotik vasitə müsadirə olunub.
