Azərbaycan Ali Məhkəməsinin Plenumu podrat müqavilələrindən irəli gələn mübahisələr üzrə qanunvericiliyin düzgün tətbiqinin və vahid məhkəmə yanaşmasının təmin edilməsi məqsədilə qərar qəbul edib.
“Podrat müqaviləsindən irəli gələn mübahisələrdə qanunvericiliyin tətbiqi təcrübəsi haqqında” Plenum Qərarında podrat müqaviləsini digər mülki-hüquqi müqavilələrdən fərqləndirən meyarlar müəyyənləşdirilib.
Oxşar xəbərlər
Qərarda həmçinin kommersiya subyektləri ilə bağlanan podrat müqavilələrinin forma tələblərinə, “Dövlət satınalmaları haqqında” qanunun tələblərinin pozulmasının mülki-hüquqi nəticələrinə, istehlak podratına və çoxmənzilli binanın tərkib hissəsinə dair podrat müqavilələrinin xüsusiyyətlərinə aydınlıq gətirilib.
Sənəddə podrat müqavilələri üzrə mülki qanunvericiliyin tətbiqi zamanı yaranan praktiki problemlər də təhlil olunub.
Ali Məhkəmənin Plenumu qərarın tətbiqi ilə bağlı məhkəmələrin fəaliyyətinin monitorinqinin aparılmasını da qərara alıb. Monitorinq 2027-ci il yanvarın 1-dən 2028-ci il yanvarın 1-dək kommersiya məhkəmələrində, apellyasiya instansiyalarında baxılan kommersiya işlərində, həmçinin Bakı şəhəri üzrə rayon və şəhər məhkəmələri ilə Bakı Apellyasiya Məhkəməsində baxılan mülki işləri əhatə edəcək.
