Albaniyanın paytaxtı Tiranada etirazçıların polis bölməsinə hücumu nəticəsində 10 polis əməkdaşı yaralanıb.
Albaniya Milli Polisinin rəisi Skender Hitanın sözlərinə görə, maskalı şəxslər binaya və polis əməkdaşlarına “Molotov” kokteylləri, pirotexniki vasitələr, daşlar və digər ağır əşyalar atıblar.
Xatırladaq ki, Tiranada iğtişaşlar oktyabrın 13-dən davam edir. Tələbələrin yüksək təhsil haqlarına və təhsil şəraitinin pis olmasına qarşı keçirdikləri etirazlar hüquq-mühafizə orqanlarının əməkdaşları ilə toqquşmalara çevrilib. Təhlükəsizlik qüvvələri etirazçılara qarşı su şırnaqlarından, gözyaşardıcı qazdan və rezin güllələrdən istifadə edib.
Etirazlar zamanı 130-dan çox polis əməkdaşı da daxil olmaqla, 200-dən çox insan yaralanıb.
