Ağstafa şəhər Əmirxan Hüseynov adına 1 nömrəli tam orta məktəbdə müəllimlər arasında dərs bölgüsü ilə bağlı mübahisə yaşanıb.
1981-ci il təvəllüdlü ibtidai sinif müəllimi P. Məmmədova qolunun əzilmiş və cırılmış yarası diaqnozu ilə xəstəxanaya yerləşdirilib. Onun vəziyyətinin kafi olduğu bildirilir.
P. Məmmədova müəllim yoldaşı S. Əhmədovanın onu döyərək xəsarət yetirdiyini bildirib.
Daxili İşlər Nazirliyinin regional qrupundan verilən məlumata görə, hadisə ilə bağlı Ağstafa Rayon Polis Şöbəsində ekspertiza təyin edilməklə araşdırma aparılır.
