ABŞ və İran arasında münaqişənin nizamlanması ilə bağlı vasitəçilər üzərindən yeni təmaslar qurulub.
ABŞ Prezidenti Donald Tramp Ağ Evdə jurnalistlərə bildirib ki, tərəflər arasında belə təmaslar baş tutub. O, bununla bağlı əlavə detallar açıqlamayıb.
Tramp ABŞ-ın İranla müharibədə “çox tezliklə” qalib gələcəyini deyib və prosesin tez başa çatacağını bildirib.
ABŞ Prezidenti həmçinin müharibə başa çatdıqdan sonra benzinin qiymətinin kəskin ucuzlaşacağını, neftin qiymətinin isə müharibədən əvvəlki səviyyəyə enəcəyini söyləyib.
