Rusiyanın xarici işlər naziri Sergey Lavrov ABŞ dövlət katibi Marko Rubio ilə Manilada görüş keçirib. Danışıqlar təxminən 35 dəqiqə davam edib.
Rusiya Xarici İşlər Nazirliyinin məlumatına görə, tərəflər xarici siyasət idarələri arasında, o cümlədən beynəlxalq təşkilatlar çərçivəsində təmasların davam etdirilməsi barədə razılığa gəliblər.
Bildirilib ki, Lavrov Moskvanın Ukraynadakı münaqişənin nizamlanmasına hazır olduğunu və daha əvvəl Ankoricdə əldə olunmuş razılaşmalara sadiqliyini təsdiqləyib.
Görüşdə, həmçinin, regional və beynəlxalq gündəliyin geniş spektri, o cümlədən Fars körfəzindəki vəziyyət müzakirə olunub.
