ABŞ Silahlı Qüvvələrinin Mərkəzi Komandanlığı (CENTCOM) İranın Hörmüz boğazında SEPAH qüvvələrinə endirilən ABŞ zərbələrinin “təcavüz aktı” olması barədə açıqlamaları təkzib edib.
CENTCOM-un “X” sosial şəbəkəsində yayımladığı bəyanatda bildirilib ki, ABŞ qüvvələri Hörmüz boğazında birbaşa təhlükə yaratdığı iddia edilən SEPAH bölmələrinə “məhdud və nöqtəvi zərbə” endirib.
ABŞ tərəfi zərbələrin məqsədinin mülki dənizçilərin, ticarət gəmiçiliyinin və qlobal ticarətin sərbəst hərəkətinin qorunması olduğunu bildirib.
Daha əvvəl ABŞ hərbçiləri Hörmüz boğazındakı Larak adasında yerləşən iki raket qurğusuna zərbə endirib. ABŞ-nin məlumatına görə, SEPAH həmin qurğulardan dəniz minaları olan raketləri buraxmağa hazırlaşırdı.
Zərbədən sonra İran İordaniyada yerləşən ABŞ hərbi obyektlərinə raket hücumu edib. ABŞ tərəfi raketlərin əksəriyyətinin ələ keçirildiyini açıqlayıb.
