ABŞ-nin Cənubi Karolina ştatında yerləşən Savanna-River Milli Laboratoriyasında radioaktiv maddələrin sızması ilə müşayiət olunan yanğın baş verib.
Məlumata görə, hadisə laboratoriyanın otaqlarından birində qeydə alınıb. Radioaktiv maddələrin yer səviyyəsində filtrlənmədən xaricə buraxıldığı bildirilir.
Yanğın artıq söndürülüb. İlkin məlumata əsasən, laboratoriya kompleksinin ərazisindən kənarda hər hansı fəsadın baş verdiyini göstərən əlamət aşkarlanmayıb.
