Hörmüz boğazında tanker dəniz minasına düşdükdən sonra yanıb.
İran Hərbi Dəniz Qüvvələrinin məlumatına görə, gəmi boğazdan keçid qaydalarını pozub, onun şərq hissəsindəki təhlükəli zonada hərəkət edib, həmçinin aşkarlama və naviqasiya sistemlərini söndürüb.
İran tərəfi gəminin hadisə zamanı təhlükəsizlik qaydalarına əməl etmədiyini iddia edib.
Bəyanatda gəmi sahiblərinə xəbərdarlıq edilərək bildirilib: “Gəmi sahiblərinə bir daha xəbərdarlıq edirik ki, Hörmüz boğazı təhlükəsiz deyil və əvvəlcədən razılaşdırmadan oradan keçməyə cəhd edən gəmilər üçün bağlıdır”.
