Fransa hakimiyyəti noyabrın 5-də ölkə üzrə keçirilməsi planlaşdırılan kütləvi etiraz aksiyalarının təhlükəsizliyini təmin etmək üçün 70 min polis və jandarm cəlb edəcək.
Bu barədə Fransanın daxili işlər naziri Loran Nunes BFMTV telekanalına açıqlamasında bildirib.
Nazirin sözlərinə görə, ictimai asayişin qorunmasına oktyabrın 31-də keçirilən etiraz aksiyaları zamanı olduğu qədər hüquq-mühafizə orqanlarının əməkdaşı cəlb olunacaq.
Təhlükəsizlik tədbirlərində xüsusi təyinatlı bölmələr, kinoloji xidmətlər və atlı polis də iştirak edəcək.
Loran Nunes vurğulayıb ki, hüquq-mühafizə orqanlarının əsas vəzifəsi nümayişlərin dinc şəraitdə keçirilməsini təmin etmək və iğtişaşların qarşısını almaqdır.
