Hörmüz boğazında üç neft tankerinin dəniz minalarına düşdüyü və gəmilərdə güclü yanğın baş verdiyi bildirilir.
Bu barədə İslam İnqilabı Keşikçiləri Korpusunun (SEPAH) Hərbi-Dəniz Qüvvələrinin mətbuat xidməti məlumat yayıb.
Məlumata görə, insidentlər səhər saatlarında baş verib. Bildirilib ki, tankerlər naviqasiya və identifikasiya sistemlərini söndürüblər. Nəticədə gəmilər dəniz minalarına düşərək partlayıb.
SEPAH-ın məlumatına əsasən, tankerlər Hörmüz boğazının cənub sahilində yanmaqda davam edir.
