İrandan Azərbaycana 136 kiloqramdan çox narkotik vasitənin keçirilməsinin qarşısı alınıb.
Dövlət Sərhəd Xidmətinin (DSX) məlumatına görə, hadisə DSX-nin Sərhəd Qoşunları Komandanlığının “Horadiz” sərhəd dəstəsinin xidməti ərazisində qeydə alınıb.
Sərhəd axtarışı və əməliyyat tədbirləri nəticəsində üç halda ümumi çəkisi 136 kiloqram 600 qram olan narkotik vasitə, həmçinin psixotrop tərkibli 5500 ədəd Metadon M-40 həbi aşkarlanaraq qanunsuz dövriyyədən çıxarılıb.
Faktlarla bağlı əməliyyat-istintaq tədbirləri davam etdirilir.
