Çin 2030-cu ilədək ilk astronavtlarını Aya göndərməyi planlaşdırır. Missiyanın “iki buraxılış – bir eniş” sxemi üzrə həyata keçirilməsi nəzərdə tutulur.
“Sinxua” agentliyinin məlumatına görə, Ayın tədqiqi proqramının baş konstruktoru Van Syan bildirib ki, ilkin mərhələdə iki “Çançjen-10” daşıyıcı raketi vasitəsilə “Lanyue” adlı Ay eniş modulu və “Mençjou” pilotlu kosmik gəmisi kosmosa göndəriləcək.
Hər iki aparat Ay orbitində görüşərək birləşəcək. Daha sonra astronavtlar eniş moduluna keçərək Ayın səthinə enəcəklər.
