Fransada yanacağın qiymətinin artmasına və yaşayış xərclərinin bahalaşmasına qarşı etiraz aksiyaları keçirilir.
“Le Monde” nəşrinin məlumatına görə, Paris yaxınlığında yuxarı sinif şagirdləri və tələbələr növbəti etiraz aksiyalarına başlayıblar.
Fransa Daxili İşlər Nazirliyinin məlumatına əsasən, ölkə üzrə ümumilikdə 65 aksiya keçirilir və nümayişlərdə 15 mindən çox insan iştirak edir.
Etirazçılar üzərində “12 milyard avro – yeni təyyarədaşıyana deyil, təhsilə”, “Pullar müharibələrə və milyarderlərə deyil, liseylərə” və “Yaşasın tələbə etirazı” şüarları yazılmış plakatlar daşıyırlar.
