ABŞ Prezidenti Donald Tramp hesab edir ki, Kubada dövlət quruluşu onun prezidentlik müddəti başa çatana qədər, hətta daha tez dəyişə bilər.
Tramp bu barədə jurnalist Benni Consona müsahibəsində danışıb.
“Biz Kubanı diqqətlə izləyirik və (ABŞ Dövlət katibi) Marko Rubio bununla çox ciddi məşğul olur. Onun valideynləri Kubadandır və 2,5 il ərzində bizdə bu məsələdə hər şey alınacaq, əslində, bəlkə də, daha tez”, – Tramp bildirib.
ABŞ Prezidenti digər təzyiq üsulları nəticə verməyəcəyi təqdirdə Kubada Venesueladakı ssenarinin təkrarlanması ehtimalını da istisna etməyib.
