Salyan rayonunda orta məktəblərdən birinin binasına “Molotov kokteyli” atılıb, hadisə ilə bağlı iki nəfər saxlanılıb.
Hadisə oktyabrın 26-da gecə saatlarında baş verib. Nəticədə məktəbin əmlakına ziyan dəyib.
Polis hadisəni törətməkdə şübhəli bilinən, əvvəllər dəfələrlə məhkum olunmuş M. Əhədovu və onun tanışı M. Hüseynovu saxlayıb.
İlkin məlumata görə, şübhəlilər məktəblərdə tətbiq edilən vahid geyim qaydalarına qarşı çıxdıqları üçün bu addımı atıblar. Hadisənin digər təfərrüatları barədə məlumat verilməyib.
