Avropa İttifaqının (Aİ) Bosniya və Herseqovinadakı hərbi kontingentinə (EUFOR) məxsus helikopter Brçko şəhəri yaxınlığında qəzaya uğrayıb.
Hadisə nəticəsində 3 nəfər ölüb, 12 nəfər yaralanıb. Bu barədə yerli KİV məlumat yayıb.
Brçko Sağlamlıq Mərkəzinin direktoru Yasmina Mehanoviçin sözlərinə görə, yaralılardan birinin vəziyyəti kritikdir.
EUFOR-un bəyanatında bildirilib ki, hadisə Brçko rayonunda planlı əməliyyat zamanı baş verib və təşkilata məxsus hava gəmilərindən biri qəzaya uğrayıb.
