İyulun 27-dən avqustun 2-dək Bakıda keçiriləcək güləş üzrə U-17 dünya çempionatının bilet satışı başlayıb.
Milli Gimnastika Arenasında təşkil olunacaq yarışın biletlərini iticket.az saytı və iTicket-in satış məntəqələri vasitəsilə əldə etmək mümkündür. Bilet qiymətləri 2 və 5 manatdır.
Yarış proqramı hər gün iki sessiyadan ibarət olacaq. Gündüz sessiyasında (10:30–14:30) ilkin qarşılaşmalar keçiriləcək və yarımfinalçılar müəyyənləşəcək.
Axşam sessiyasında (17:00–20:00) isə yarımfinal görüşləri, medal uğrunda mübarizə və mükafatlandırma mərasimləri baş tutacaq.
Bir bilet həm gündüz, həm də axşam sessiyalarını izləməyə imkan verir. Azarkeşlər sessiyalar arasında arenada fəaliyyət göstərəcək fan zonada müxtəlif əyləncə proqramları, interaktiv oyunlar və tanınmış güləşçilərin imza mərasimlərində də iştirak edə biləcəklər.
