Türkiyənin Zonquldaq bölgəsinin Kilimli rayonunun Gelik qəsəbəsində özəl daş kömür mədənində baş verən partlayış nəticəsində üç nəfər ölüb, beş nəfər yaralanıb.
“Haber Global”ın məlumatına görə, hadisəyə mədəndə metan qazının yığılması səbəb olub. Yaralılardan ikisinin vəziyyətinin ağır olduğu bildirilir.
Türkiyənin ədliyyə naziri Akın Gürlek bildirib ki, hadisə ilə bağlı Zonquldaq Respublika Baş Prokurorluğu tərəfindən istintaq başlanılıb.
Hazırda hadisə yerində axtarış-xilasetmə işləri aparılır.
