Azərbaycanla sülh sazişinin tezliklə imzalanması Ermənistan hökumətinin siyasi öhdəliyidir.
Ermənistanın xarici işlər və beynəlxalq ticarət naziri Ararat Mirzoyan hökumətin iclasında bildirib ki, İrəvan sənədin mümkün qədər tez imzalanmasında maraqlıdır.
“Sülh sazişinin tezliklə imzalanması hökumətimizin siyasi öhdəliyidir və biz bu sənədin mümkün qədər tez imzalanmasını istəyirik. Çünki tamamilə anlaşılandır ki, infrastruktur təkcə iqtisadi deyil, həm də sülhyaratma funksiyasını və vəzifəsini yerinə yetirir”, – o vurğulayıb.
Mirzoyan, həmçinin qeyd edib ki, ötən gün parlamentdə keçirilən müzakirələr zamanı sülh sazişinə böyük maraq olduğunu müşahidə edib.
