Bu ilin yanvar-sentyabr aylarında Azərbaycan Ermənistana 23 milyon 450 min ABŞ dolları dəyərində mal ixrac edib.
Dövlət Gömrük Komitəsinin məlumatına görə, eyni dövrdə Ermənistandan Azərbaycana dolayı yolla idxalın dəyəri 96,5 min dollar təşkil edib. Bunun 95,5 min dolları sentyabr ayının payına düşüb.
Ümumilikdə, Azərbaycan bu ilin ilk 9 ayında xarici ölkələrlə 37 milyard 211 milyon dollar dəyərində ticarət əməliyyatı aparıb. Bu, ötən ilin eyni dövrü ilə müqayisədə 5,2 faiz çoxdur.
Xarici ticarət dövriyyəsinin 23 milyard 865 milyon dolları ixracın, 13 milyard 346 milyon dolları isə idxalın payına düşüb. Ötən ilin eyni dövrü ilə müqayisədə ixrac 28,3 faiz artıb, idxal isə 20,4 faiz azalıb.
