Azərbaycan Respublikasının Prezidenti İlham Əliyev oktyabrın 14-də Bəhreyn Krallığının xarici işlər naziri Əbdüllətif bin Rəşid Al Zayanini qəbul edib.
Qonaq Bəhreyn Kralı Həməd bin İsa Al Xəlifənin salamlarını dövlət başçısına çatdırıb. O, Kralın Azərbaycanla münasibətlərə böyük önəm verdiyini bildirib.
Prezident İlham Əliyev salamlara görə minnətdarlığını ifadə edib və öz salamlarını Bəhreyn Kralına çatdırmağı xahiş edib.
