Azərbaycana külli miqdarda dərman vasitələrinin qanunsuz yolla gətirilməsinin qarşısı alınıb.
Dövlət Gömrük Komitəsinin Balakən Gömrük İdarəsinin əməkdaşları “Mazımqara” gömrük postunda Gürcüstandan Azərbaycana gələn yük nəqliyyat vasitəsinə baxış keçiriblər.
Stasionar rentgen qurğusu ilə yoxlama zamanı yük yerində şübhəli təsvirlər aşkarlanıb.
“Gömrük yoxlaması zamanı nəqliyyat vasitəsinin qoşqusundan gömrük orqanına bəyan edilməyən və gömrük nəzarətindən gizlədilən, keyfiyyəti məlum olmayan dörd karton qutuda qablaşdırılan külli miqdarda dərman vasitələri aşkar edilib”, – Dövlət Gömrük Komitəsindən bildirilib.
