Çinin xarici işlər naziri Van İ Azərbaycana səfər edəcək. O, oktyabrın 15-də Bakıda keçiriləcək Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) VII Sammitində Çin sədri Si Cinpinin xüsusi nümayəndəsi qismində iştirak edəcək.
Çin Xarici İşlər Nazirliyinin rəsmi nümayəndəsi Mao Nin bu barədə brifinqdə məlumat verib.
“Çinin xarici işlər naziri Van İ oktyabrın 15-də Çin sədri Si Cinpinin xüsusi nümayəndəsi qismində Bakıda keçiriləcək Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) VII Sammitində iştirak edəcək. Oktyabrın 14-dən 20-dək Van İ həmçinin Azərbaycana, Xorvatiyaya, Monteneqroya və Bolqarıstana səfər edəcək”, – Mao Nin bildirib.
