Azərbaycan-Türkmənistan münasibətləri son illərdə dinamik şəkildə inkişaf edir.
Azərbaycan Prezidenti İlham Əliyev bunu Türkmənbaşı şəhərində Azərbaycan və Mərkəzi Asiya Dövlət Başçılarının 8-ci Məşvərət görüşündə çıxışı zamanı bildirib.
Dövlət başçısı qeyd edib ki, ötən ildən bəri ali səviyyədə artıq beş səfər həyata keçirilib. Onun sözlərinə görə, bu, siyasi dialoqun intensivliyini və ikitərəfli əlaqələrin daha da möhkəmləndirilməsinə qarşılıqlı istəyin göstəricisidir.
“Bu, siyasi dialoqumuzun intensivliyini və ikitərəfli əlaqələrin daha da möhkəmləndirilməsinə olan qarşılıqlı istəyimizi əks etdirir”.
Prezident İlham Əliyev Türkmənistan Xalq Məsləhətinin sədri Qurbanqulu Berdiməhəmmədovun təşəbbüsü ilə Füzuli şəhərində məscidin inşasını da xüsusi vurğulayıb.
“Ötən il biz birlikdə onun təməlinin qoyulmasında iştirak etdik. Qardaş Türkmənistanın ölkəmizə bu hədiyyəsi xalqlarımızın dostluğunun və mənəvi yaxınlığının daha bir sübutudur”.
