Dövlət Gömrük Komitəsinin Əməliyyat-İstintaq Baş İdarəsi, Bakı Baş Gömrük İdarəsi və Tovuz Gömrük İdarəsinin əməkdaşlarının birgə keçirdikləri tədbir nəticəsində ölkəyə qaçaqmalçılıq yolu ilə gətirilən dərman vasitələri aşkarlanıb.
Gürcüstandan Azərbaycana gələn yük nəqliyyat vasitəsi “Qırmızı Körpü” gömrük postunda saxlanılıb və gömrük yoxlamasından keçirilib.
Yoxlama zamanı nəqliyyat vasitəsində ölkəyə rəsmi idxal edilən dərman vasitələrinin arasında gizlədilmiş, gömrük orqanına bəyan olunmayan 82 adda dərman vasitəsi aşkarlanıb.
Aşkar edilən dərman vasitələrinin ümumi dəyərinin 507 min manat olduğu müəyyənləşdirilib.
Faktla bağlı araşdırma aparılır.
